موضة 2008 عند الشباب .. لحط الأشناب ..

السلااااااااام عليكم ..

صباحكم قشطة ومربى ..
ومساكم عسل ومنقا وبرشومي .. من مزرعة ابراهيم القسومي ..



هاليومين كاثر عندنا حركة غريبة بين الشباااااااااااااااااب ..
والصرااااااااحة انه تعدت الحركة الى الظاااااااااااااهرة ..


وهي لحط الشنب وزلطه وملطه ..
وتعددت الأمواس واللحط واحدُ ..


الصرااااااااااحة مادري وش جايهم الشباب .. ماتقولون الا بينهم وبين الشنب ثاااااااااار ..
والله يابعضهم تحس ان البرطم صايرن تقل خرقة يهب بوه الهواء .. ماهنا شي يمسكه والا يثقل عليه ..

عقب منول كانوا يقولون .. شنبك يوقع عليه الطير ..
صاروا يقولون برطم يتزحلق عليه الطير ..


دخلت قبل كم يوم احد البنوك .. ماشفت الا حارس الأمن اللي بشنب ..
والباقين كيف الحال .. لاحطينه لحط ..
شكلهم لو تفتح دروجهم تلقى معاملات .. وحلاااااااااااااوة ..



والعجيب الغريب انهم يتفننون بطريقة اللحط ..

بعضهم تشوف السكسوكة بدون شنب ..
اللي يشوفه يقول هذا ( وسم ) على بعير ..





وبعضهم لاشنب ولا سكسوكة ..
لو وجهه مابوه عيون قسم ان تحسبه حبة بطاطس ..
يادافع البلى لو ينسدح على جنب .. ماتعرف اذنه من اثمه ..





حتى اني سألت جدتي موضي .. وقلت له وراااااااه الناس هاليومين بدون أشناب ..
قالت ياوليدي لايصير بوه مرض هاليومين إسمه ( حت الشنب )
رح للمستوصف خلهم يطعمونك بابرة ضد حت الشنب ..
لايقعد شنبك هاللحين يحت فرقعين جدي ..

مير واحد منهم إذا تلطم ينمشع الشماغ ..





ماادري وش رآيكم بهالظاهرة .. ؟؟
وهل تقبل شكل الرجل بدون شنب .. ؟؟