معطر بعبق الجوري,,,
أهديتني وردة غرامـك وباهديـك
قلبٍ جريـح بيـن اياديـك طبـه
عطني حنانٍ فاقده ..آآه..واعطيـك
مشاعـر الخافـق حنانـه وحبـه
في بحر سودك ضيعتني مراسيـك
بحـرٍ غزيـر ويـل منـه بغبـه
اموت لاشفت الرموش المهاليـك
فيهـا عناويـن الغـلا والمحبـه
وش تنتظر شفني على البعد ااناديك
نار الغلا في داخل القلـب شبـه
يانور عينـي اتعبتنـي مساريـك
القلـب ماغيـرك دخلـه ولعبـه
شفني مشاعر جيتك اليوم اسقيـك
شهد الهوى بكاس المحبـه أصبـه
هذي حروفي صغتها لك تناجيـك
ابي السموحه كان ماجـاز.. ذبـه